news

Hádegishöfði fær grænfána í fimmta sinn

02. 12. 2019

Föstudaginn 29. nóvember tókum við á Hádegishöfða á móti grænfánanum í fimmta sinn. Verkefnin sem unnið var að á þessu tímabili voru neysla og úrgangur ásamt átthögum og landslagi. Börn og starfsfólk hafa undanfarin tvö ár unnið að verkefnum þar sem þau hafa m.a. horft til þess að minnka neyslu, endurnýta efnivið og koma á samstarfi við eiganda alifugla varðandi nýtingu á matarafgöngum sem fara í fóður. Eins höfum við verið að vinna með landslag og kennileiti í nágrenninu s.s. Ferjusteinana í Lagarfljóti og Lagarfljótsbrúnna, einnig hefur sagan af Lagarfljótsorminum fléttast inn í starfið hjá okkur.

Guðrún Schmidt afhenti umhverfisnefnd leikskólans grænfánann fyrir hönd Landverndar.

© 2016 - 2020 Karellen